LM Cafe (觀塘) - 好味午飯飯堂

本人 OpenRice ID: 龜爺JjAyS
食評連結: Click Me

味道: 5 環境: 4 服務: 3 衛生: 3 抵食: 4
(5星為最高)

LM cafe 基本上已成為我地觀塘飯友既飯堂，一個月至少有4次都係呢到lunch 吧，今日就帶新來觀塘既朋友仔來試試 LM 既威力.....

因為我有先見之明，知道 lunch time 會排死人，提早左15分鐘來，點知都係要排好多個

.... anyway啦有得食最緊要！

三個人叫左三樣唔同野，當然我係先推“流心奄烈餐“比我朋友試試 LM 晚主打啦！

價錢比以前貴左，不過都仲係好食既，朋友選左芝士汁配豬扒，朋友第一次食覺得有驚喜同好好食，佢見到芝士汁係蛋入面流出來個刻好開心

！

另一朋友叫左蔥油雞扒撈丁！

雞扒唔會太油，soysource 另上，要重口味就自己加自己撈，丁又煮得岩岩好唔會太軟又唔會太生太硬！

而我自己就食少左野 同食平野所以叫左個常餐，番茄通粉 配炒蛋同叉燒

番茄湯好濃番茄汁同味，一d 都唔淡，炒蛋佢地LM 一向都做得好好，蛋香同滑！叉燒就正常叉燒啦！

珠記冰室 (觀塘) - 午餐時段有d迫，同正常食物冇驚喜

本人 OpenRice ID: 龜爺JjAyS
食評連結: Click Me

味道: 3 環境: 3 服務: 3 衛生: 4 抵食: 3
(5星為最高)

公司對面開左間新既冰室，同事話好出名既，好多雜誌都有寫，又點點點 搞到我成日好想食同好有期望

 成日見到排好長同要等，搞到一次又一次都食唔到

今日同同事專登提早出門為左試下佢地究竟有幾好，12.15就去，去到果然唔使排隊

，不過呢我地被安排搭台

搭台唔緊要，但係搭張勁細台

迫到呢.....明明有張大少少都唔肯比我地坐，又話會滴水又話個張仲細，咪玩啦 4對眼都覺得個張台大d 都唔比我地

Anyway 為左食冇緊要啦，我地即睇menu，

選擇又唔多...唉...

咁睇完冇咩好揀 我就叫左個特餐B 而且又好多人叫，同事都係叫同樣野...

 特餐b，沙爹牛肉腸仔麵 配炒滑蛋+厚多士

因為太迫，之後個麵同野飲都因為迫到冇手影相

食物方面，炒蛋係滑好有口感，不過冇蛋香味

，厚多士焗左有一段時間，有d 硬！食左一塊就冇食了。個沙爹牛肉麵真係好普通，沙爹汁唔夠多撈左入去淡哂，牛肉就不過不失啦，麵當然冇加$5 換一丁啦，因為我想試唔係一丁會係咩面，個面都仲ok 唔使加錢換一丁都可以，而腸仔好怪，好似煎得唔夠耐，冇香味生生地！

overall 真心覺得普通，下次試下其他野啦

開餐達人 (觀塘) - 不過不失 特價lunch

本人 OpenRice ID: 龜爺JjAyS
食評連結: Click Me

味道: 3 環境: 3 服務: 3 衛生: 3 抵食: 3
(5星為最高)

每日 lunch 前 lunch 後都行過開源道都會聽到有個姐姐企係到問路人食左飯未，同埋話所有lunch 九折。今日我有個同事叫我地去個邊食，好丫試下新野都好

，去到樓下上樓，好似入左迷宮咁，轉左兩個圈先到。

去到餐廳，員工叫我地出門等等，佢地當然比埋餐牌我地先睇睇食咩啦

望左餐牌我同另兩個同事都異口同聲地話要B，即係日式咖喱牛柳粒啦，之後我地係門外等左大慨 5-10分鐘到，係出門見到外賣餐牌，足足平過堂食有十蚊咁多，曾經有一刻想叫外賣

最終都覺得算啦，都來左咁就係到食啦，等到員工叫我地入去可以入坐，我同另一女同事就好好奇地望下人地食咩，

一睇就出事，我地見到個日式咖喱牛柳粒賣相唔係幾好咁wor，坐底左我同佢即去考慮食其他野，咁我叫見到 椰香汁焗雞扒幾好，我就叫呢個，而同事就叫 肉醬意粉，另一位就叫個貴野 豬扒配茄汁，最後一位就叫左 “日式咖喱牛柳粒“ 聽完我同另一同事 o 左咀，可能佢路上冇睇到啦

 Anyway 冇提佢，等佢試下...

上左餐湯，有紅有白，no comment，唔會expect 有幾好

椰香汁焗雞扒

開頭見個飯係炒飯底，好開心以為會有炒飯香，點之冇，而且仲一舊舊，

傷心唔好食，雞扒同個汁就正常啦，最終我只係食哂d 雞扒，飯就唔食了。

意式焗肉醬意粉

同事比左我試一d，味道好奇怪，唔係咸既，而係有少少甜甜地，番茄味又唔夠出，真心嘛嘛地

意式豬扒配茄汁

同事話好食，睇落都唔差，不過咁貴我未必會叫

日式咖哩牛柳粒飯

當我同另一同事一開始以為唔好食而改點其他野既時候，我地錯了

 我偷左同事一舊來試，OMG，出奇地好味！！！

 呢個故事又教訓我地“凡事唔可以睇外表“ 真後悔

凍奶茶

因為我地有四人以上，所以賣單有 85折

魔膳工房 (觀塘) - 豐富和好味的西式午餐！！！

本人 OpenRice ID: 龜爺JjAyS
食評連結: Click Me

味道: 5 環境: 5 服務: 5 衛生: 5 抵食: 4 

(5星為最高)

Again and again 觀塘區餐廳真係好多好多, 食來食去都食唔哂, 不過唔知點解我同同事都係重覆再重覆都係去來去去都係個幾間, 當然偶爾都係要食下D 高檔少少既餐廳啦, 同同事商量左 不如去 "魔膳" 啦 

(其實第二次來呢間餐廳, 第一次係公司 Christmas Lunch, 當時都有寫過野食好食有驚喜除左個湯, 不過 Christmas 太多人忙 等左好耐先有野食)

就係咁我地就上來再次上來睇下有咩好野食! 今次得4個同事 唔好次上次咁 有 80人...

上次冇 post 場地相, 今次補返數先..... again 場地係超大 

 加上早到未見有人頭湧湧情況, 不過坐左一陣就話咁快 fill up 左, 真係比個勁同叻

佢地!

入到來同上次一樣去望望個 Salad bar 睇睇有咩食先, 不過上次就人多到呢比人掃哂, 我個次只係食左粒 jelly 咁大把, 今日所見 wow 都幾多野食wor, 加 $20  就有個任 refill 食到飽既 Salad.... 不過小弟冇加 $, 因為最近細食左, 加上我係肉食者 not 草食男 

入正題睇 menu, 同同事睇哂前三頁段抉定左要4份唔同既野食 share 

雞扒配蔥炒薯跟蘑菇汁 (我食的) (超有驚喜) 

-  雞皮脆而不油, 雞扒切出來係有汁, 而且又唔乾又唔"鞋" 整到岩岩好, 一流呀!
- 薯仔係炒過煎過 同樣唔油又帶有蔥香, 同埋全熟 (我試過其他出面唔熟著仔既入面係爽口勁生) 所以佢地魔膳煮得好好
- 仲有洋蔥, 翠肉瓜 (唔苦好新鮮)

薄切西冷牛扒三文治配暖沙律 (男同事叫) (勁勁勁勁驚喜)

- 成日都話食野要留心 menu, 勁勁勁勁驚喜唔係講食物味道, 而係上左菜先知係三文治, 只因同事佢心急見到 "西冷牛扒" 咩都唔睇就即叫........

 again and again 要睇清楚
- Anyway 佢就冇計啦, 只有硬食, 我呢D 薯條怪見到咩著都照偷來食, 一食入口, 

 眼發光, 好香呀!!!!! 唔知佢地用咩油炸啦, 不過總之就好食啦!
- 到佢食個三文治啦, 同事話好食, 薄切西冷牛扒唔硬, 唔會痂牙, and then 個包又好軟身, 夾入去好 match 不過同事話有D 乾, 如果有D 汁係入面好更好更 perfect

黑松露意大利飯 (細細粒女同事叫)
- 同事話見到有素 menu 佢今日又唔想食肉, 咁佢就叫左呢個來 share
- 佢地有送田園 Salad
- 意大利飯一到個D 黑松露味好勁 隔離都聞到哦 
- 為食既我又係覺得隔離飯香偷左少少來食試一試, 對面男同事都偷左佢一D
- 最後比女同事投訴, 點解冇哂D  蘑菇, 其實比我地兩個男人偷食哂
- 蘑菇真係好好好好好食, 因為個人鍾意食 

雞肉粟米忌廉意大利飯 (女同事叫)
- 呢個比起上面三個來講冇咩驚喜, 正常既雞肉粟米忌廉意大利飯
- 不過值得一提既係意大利飯唔會好似生米咁硬, 軟硬岩岩好

餐飲正常, 食物係主要 focus 

蘋果汁 (左上) 玫瑰花茶 (右上) 蜜桃紅茶 (右下) Cappuccino (左下)

買單成為 $324

Overall 食物比上之有水準多好多, 服務比上次好超級多, 環境衛生完全 A grade, 冇野可以 complain (again 上次 Christmas 大多人可能做唔切), 下次會再 visit!!!

今次連 menu 都 upload 上來方便大家來之前可以睇定食D 咩好野

豪華餅店 (九龍城) - 蛋撻同葡撻一樣味

本人 OpenRice ID: 龜爺JjAyS
食評連結: Click Me

味道: 3 環境: 2 服務: 2 衛生: 2 抵食: 2
(5星為最高)

同屋企人去左九龍城食lunch，食完因為車壞左要call 拖車，係等拖車時家姐話佢同事成日去 豪華餅店買蛋糕，就因為咁我地係呢個時間走去睇睇

由於大雨，所以唔見有人排隊，我同家姐望左一陣最終都冇買到蛋糕，因為都幾貴下感覺唔係好值，最後我地就買左 蛋撻同葡撻各一件試試， $7 一隻都唔算貴既。

由於大雨又攞傘，所以係狼狽情況下沒有拍蛋撻照，我諗大家望其他食評相都一樣，蛋撻同葡撻樣都唔會有差別。

蛋撻同葡撻一樣味，家姐食蛋撻我就食葡撻，家姐佢話個蛋撻幾好丫，酥皮唔油，蛋香味重，我食完之後覺得個葡撻似蛋撻多囉，之後咬左家姐個蛋撻，

一樣味........唔係呀fa，同樣家姐有同樣感覺，所以大家要試試一樣就ok 了。

我總結會係 不過不失，路過肚餓可以食，唔洗專登去

bp Cafe (觀塘) - 唔係難食，但一次就夠

本人 OpenRice ID: 龜爺JjAyS
食評連結: Click Me

味道: 3 環境: 4 服務: 3 衛生: 3 抵食: 3
(5星為最高)

放Lunch 來來去去都係個幾間，可能今日星期一，個個都乖乖返工，咁呢間間去開既餐廳都排長隊，同事要快食，所以去左 manulife building 去搵食，一上去米線又係勁多人，見對面有間 cafe 仔又未食過，而且又冇咩人，最緊要係有台又有位，膽粗粗走去望 menu

咦？平Wor 樣樣都40樓上樓下，咁入左去食呢間 bp cafe，我一向都係食白汁，問左cashier 有咩好食，佢又話白汁有吞拿魚意粉or 卡邦尼意粉，卡邦尼我就成日食，所以叫左個吞拿魚，加多$4要個即磨 coffee 成為 $41

兩個同事分別叫左 金菇肥牛麵 and 燒汁雞扒牛柳飯

三個人異口同聲地話，好淡冇味，之後我地攞左辣椒狂加，而且我最後還要加鹽跟胡椒，都唔知係咪我地重口味。

先講我個吞拿魚，吞拿魚超乾，火腿冇味，仲有加左$4既即磨咖啡，冇咩咖啡味囉。
食飯個位同事話d 肉都好乾，好似放左好玲咁，而且到落左樓，佢同我講仲有d 肚餓，可能佢覺得portion太細啦，我就岩岩好仲有多既。

總之我地三個就食過一次就夠到，下次都要再諗諗啦！

富田和食亭 (藍田) - 抵食日式放題在藍田

本人 OpenRice ID: 龜爺JjAyS
食評連結: Click Me

味道: 4 環境: 4 服務: 4 衛生: 4 抵食: 5 

(5星為最高)

好少可會來到藍田食 dinner, 由於朋友住個藍田, 而我又係觀塘返工, 諗諗下不如入藍田食. 加上見 
openrice 既同志話呢間平又唔錯, 所以打個電話來訂個靚位, book 左食7點    

一向早到既我緊係去囉位先啦, 未到7點就去到餐廳, 一去到門口 OMG 咁多人既??? 今日唔係 weekday night 咩??? 再望埋入面 wow full 哂.... 咩事咩事? 有金執??? 哈哈 之後見到好多阿姐阿哥囉住團購既 print out 心諗正價都唔洗 兩舊水, 你地團購咪仲平 
 .... 算啦鬼叫自己平時唔睇開呢D 野只有得個望字囉....

出面等左 5 分鐘左右就入得啦, 因為佢地分左一輪輪, 入到 of course 睇下有咩食啦, 天秤座既我又發揮左 選擇困難症既病態 

 .....咁多野都唔知選咩好..... 因為咁影左張 menu 比大家睇睇....

細食既我當然唔會咩都點哂啦, 用左排除法來排走一D 先, "拉麵" 同 "火鍋" byebye 

 ,  之後一望....  

  酒呀!!! 唔多放題有清酒同梅酒飲, 好酒既我咩都放底, 先 tick 左清酒同梅酒各一支先啦! 飲住慢慢選食物~

清酒 係冷清酒 好清好易入口 飲左都唔多覺 (之後飲左幾杯先知有後勁), 梅酒岩哂D 唔係好飲得既朋友 佢好甜, 不過就少左D 梅味, 比甜味 cover 左, 朋友唔好飲酒, 去左出面睇野飲, 野飲都係任囉, 而且多選擇! 朋友選左個韓文字cider, 來佬野去飲! 

野食係我地傾傾下計既時候出現, 心諗都幾快手wor, 先出場既係 刺身同壽司先啦, 叫左以下既食物:

刺身全部都很鮮甜哦
- 三文魚刺身 - 吞拿魚刺身 - 鮮柱貝刺身 - 甜蝦刺身 - 虎蝦刺身

壽司
- 鮮帶子壽司  （帶子夠新鮮） - 火焰蟹棒壽司 （呢個有驚喜，意想不到的好味，蟹棒唔會覺得同超級市場買咁, 唔識形容) - 火焰XO醬和牛壽司 (都好好食, 牛肉唔硬, 唔痂牙)
- 三文魚壽司 - 火焰芝士蝦反卷 (都正正常常啦)

小食類
- 芝麻八爪魚 （正常，很難不好吃） - 中華沙律 （正常，很難不好吃）- 胡麻醬冷拉麵 （這個第一次食，感覺很不錯， 醬也很濃）- 和風野菜沙律 （喜歡蔬菜的朋友應該喜歡，因為清淡 哈哈）- 七味溫泉蛋 （我馬馬地，不過朋友話，幾特別可以一試）

- 蒜香雞中翼 （正常，很難不好吃）- 日式吉列蠔 （OMG 

  好好味， 而且有汁的！）- 紫心香芋丸 （OMG 呢個好好味，不得之鳥，芋頭香味好濃，粉皮很薄超好的！）
- 黃金生蠔 （另類驚喜，汁好好味）- 西冷牛扒 (都好好食, 牛肉唔硬, 唔痂牙) - 清酒煮峴 （感覺有點清， 唔係清酒，而系清淡）

2nd round 叫左串燒蝦，菠蘿，雞軟骨，冬菇 - 呢D 都算不錯，很有 BBQ 的燒味，and then 再來壽司覆卓, 北寄貝壽司 （北寄貝新鮮有嚼感），火焰黑松露帶子壽司（黑松露好香好重味道），火焰XO醬和牛壽司，三文魚壽司。

最後甜品，一看....為什麼跟我之前看openrice 其他同志的照片都有很多款式，看來我是第二輪所以沒什麼選擇了，沒有我想要的芒果布丁，只好試試 Strawberry 咯，其實也很香！ 

埋單成為 $370 抵到呢！