金鶴拉麵 - 拉麵串燒啤酒

今次係第二次黎encore金鶴拉麵，揀左位於佐敦既分店。除左堂食，拉麵店亦可以外賣自取。

 

約左友人大概7點半到店，場內人數不多可以直入，店員指示我地坐bar位，有種幾chill既感覺。店外裝潢特別，黑色格調，配合金鶴嘅圖案，射燈照下，有種神秘豪華高級感，黑高櫈亦坐得舒適，另外防疫措施亦非常齊全。

 

餐廳店員服務周到，指示櫈下有掛鉤可放置隨身物品。又熱心推薦店內人氣美食，我和友人都一致決定選擇了招牌菜式 北海道極濃蟹湯拉麵。

 

蟹湯湯底果然鮮味無比，十分濃香，加上兩片肥瘦均勻的叉燒，及滿滿的蟹肉配搭，另外有木耳絲、糖心蛋配菜，蛋黃又滑又濃，配料高質且分量十足，麵既質地軟硬適中。整體而言，不論拉麵的湯底，配菜，用料和味度都十分岀色。

 

當然不能錯過串燒的部分，我們嘗了兩串蒲燒活鰻魚串，因為即叫即燒，要等20分鐘左右。好野值得等，鰻魚入口即化，味道濃厚，油脂分佈平均，配上鰻魚燒汁，令人回味無窮。

 

飲品上少不免叫上一杯啤酒配合美食，叫了一樽Damm Lemon生啤酒，啤酒加青檸味道，清新解膩，很適合拉麵串燒的飲品。