古今二 (觀塘) - 特色好味日式卷物 好有古早特色

今晚和朋友，去 觀塘工業大廈 吃晚飯， 朋友來過這間日本料理覺得非常好吃和特色所以推薦！

位於 舊式 觀塘工業大廈， 感覺這間餐廳同樣為了配合大廈陳舊感覺， 用了鐵皮來做餐廳外觀！ 平平無奇之餘，但亦帶一點創意特式古早感覺！

店內風格與店內極大不同， 風格有特色之餘 同時色彩繽紛 令人感覺 活潑及生動！ 細心留意 原來 椅子亦有顏色安排 灰凳中間夾著紅凳！ 餐廳對裝潢已有要求令到我覺食品同樣他們亦有要求！很期待

在未點菜的過程中店員已經拿了毛豆給我們作為前菜小吃，十分貼心！

由於這間餐廳的捲物較為出名 所以我們 主食當中 點了兩份卷物 及一份 壽司薄餅， 以前菜便點了沙律 級麻醬凍蕃茄。 當然亦要試試他們的事物由於朋友不吃豬所以我們選擇了蔥牛卷！

蔥牛卷一份有四條 只賣五十二元 價格相對地便宜， 煎牛肉中間捲著的蔥， 十分新鮮十分細嫩 十分容易咬斷， 而不會殘留一點渣宰。 牛肉 火喉十足， 沒有燒得太耐而令到牛肉肉質變厚 或變粗糙！ 而味道亦相對地適中沒有很鹹！

這份海鮮沙律 簡直不得之了 售價只是75元分量相對很大， 老實說 其實一份沙律一份卷物 已足夠令我飽肚！ 為何我會說這份沙律不得了呢， 細看沙律內 你會看到 有三文魚，吞拿魚，生蝦，蟹柳，中華沙律 ，沙律菜， 青瓜絲 等等數之不盡的材料 所以除了份量十足之餘 款式亦很多！ 從來沒有試過海鮮沙律可以那麼豐富！

這個是壽司薄餅， 即是我的人生第一次嘗試壽司薄餅， 材料包括三文魚， 魚子，蛋！ 其實最特別是 三文魚底層的飯， 底層的飯是經煎炸過後脆脆 有如像薄餅的感覺， 配搭起上嚟 另有一番風味！

卷物最極為有心思及色彩繽紛味道更加一流， 我們點了兩個卷物，一個為“蕉魔” 另一個為 “火山“。

“蕉魔” 你看見這兩字， 很明顯這卷物 與蕉有關！ 裏面除了有香蕉之外亦有牛油果 ，壽司飯中間捲著炸牛肉和芝士，香味十足 而且亦有香蕉及牛油果的甜味整個味道 十分 freshy 和 refreshing！ 同時令到我很有新鮮感

而 “火山” 除了外表像火山之外 吃起上來都相對比較juicy， 食物材料包括有帶子， 牛油果，芝士，炸蒜片， 而最底以青瓜為作墊底， 壽司飯量十足 果腹簡直一流！

這餐晚飯令我十分滿足，很多第一次的嘗試亦從來未見過卷物可以有這麼多的創作料理！

題外話：

入門口的時候看見餐廳員工 在處理外賣壽司， 他們亦都十分有耐心， 亦有很多設計的想法 令到外賣盒壽司食材色彩繽紛， 無論是外觀或內觀 以及味道足以令人覺得十分滿分

餐廳餐牌 更令人覺得創意十足，無論在設計圖片 以及擺設位置 都經過經精心挑選或精心設計， 十分吸睛令我看餐牌時已很想馬上吃和 點菜！

慢煮工業 (太子白楊街) - Chill Out 好地方

今日收咗工 約咗九龍朋友仔嚟太子搵食， 朋友嚟過呢一間餐廳 同時佢覺得非常有特色， 價格亦都識分合理， 應該係話比一般嘅 pub 更為便宜！

嚟到呢一間太子白楊街嘅慢煮工業， 樓下嗰層就已經見到十分特色嘅decoration， 開頭仲以為係reception入口，原來要上一層先至係！

上到嚟發覺到風格十分工業風， 環境非常之適合after work 嚟happy hour 嘅朋友仔！

餐廳必定有經過精心設計， 就看檯面上的 liner design 已經係非一般的餐廳作品！Very impressive!!!

唔單只係張liner， 連食物餐刀都 印上公司名稱嘅laser mark， 呢兩樣已經可以睇得出 餐廳老闆 嘅用心！ 令到我哋對食物嘅信心更加大大提升！

今晚我就叫咗杯啤酒嚟試， 係比利時修道院嘅啤酒， 呢隻麥味相對比較重， 其實比利時修道院啤酒係非常之出名有興趣嘅朋友可以上google search下睇睇！ 不過只係估唔到呢間餐廳居然有得賣！ 簡直係驚喜萬分

由於我哋兩個食量不大所以只叫了兩道main， 第一度係芝士焗煙肉薯條， 就咁睇以下張圖片亦都可以見到 portion 很大， 一開始主菜仲未嚟我哋食到已經差唔多飽所以真係好抵食！ 佢嘅芝士味重 煙肉亦都唔會太鹹 蔥花香配合 香脆薯條 十分和味！

主菜我哋就叫咗意大利beef Wellington， 下圖可以見到 佢同 傳統 beef Wellington  麵粉皮有啲唔同， 下面係有creamy mushroom嘅醬汁 同時 亦有黑松露喺側邊 配搭起上嚟 香濃可口， 唔會太膩唔會太油！

切開中間畀大家可以睇到入面嘅肉 煮得非常軟， 火候易控制得非常妥當！ 非常之難得見到一間 local pub 可以做到咁好嘅食物！

開頭擔心緊唔知夠唔夠，所以除咗叫了 main 之外我哋亦都嗌咗兩份 sides 一個就係大虎蝦另一個就 係溫泉蛋大啡菇， 老實說 兩隻大虎蝦 有啲縮水相對細隻咗 不過燒得都唔錯！

你度食嘢價格相對便宜， 地方環境亦相對大唔會同隔離枱黐埋一齊， 而且更加估唔到嘅就係星期一晚上居然會全院滿座！

藍象泰國餐廳 (尖沙嘴) - 高檔泰國餐

今日朋友生日， 同時我亦想佢食好啲， 而我哋又喺尖沙咀所以我哋嚟咗harbour city搵食。

見到呢一間泰國餐館嘅門外環境已經非常吸引， 同時我哋時間尚早所以不用排隊等位， 所以二話不說直接入去！

先經過條走廊已經見到好多隻大蟹， 非常生猛非常新鮮， 可惜嘅係我哋唔會食蟹與蟹無緣！

餐廳環境亦都十分大好多枱櫈， 估計錯分成間餐廳就會有超級多人。

格局同設計都非常之特別， 燈光以藍色天花主題， 環境以木顏色黃燈光襯托， 感覺舒適合優雅令人感覺非常高檔！

非常幸運地我同朋友被安排喺海景位， 望住海景嚟望住海景呢食飯咩都值哂！

佢哋有個義人生但可惜朋友唔食得太辣所以寧願散叫， 同埋呢間餐廳有好多特別嘅小食同前菜， 所以我哋寧願自選多於被規範在套餐中！

前菜係泰式餃子，呢個最為特別亦是第一度上菜，令我哋覺得非常驚喜因為餃子有鳥形狀！ 鍾意影相食物嘅人真係唔不能錯過！ 餃子底汁係用魚露辣椒所餃子底汁係用魚露辣椒所以配起來非常惹味！

軟殼蟹米紙卷，呢個都係一個前菜所以佢係凍食而唔係炸熱， 我哋開頭誤會咗呢一個係熱食， 不過唔緊要照食可也， 同樣亦都有魚露辣椒 不過呢一個相對地沒有咁辣， 而綠色相對比較辣我亦比較鍾意！

相信炸魚餅亦都係泰式小食嘅必點食品， 由於我哋得兩個人所以點了魚餅半份， 半份已經有四件所以很不錯！

主食我哋選擇咗 燒大蝦炒金邊粉， 大坑相當美味烤肉相當砸實，金邊粉相對軟綿！

另一主食， 我哋選擇咗泰國都好出名嘅青咖哩雞， 由於佢哋唔帶飯，所以我哋揀咗薄餅另上來配搭！ 唔好睇小呢兜青咖哩細細碟， 其實入面有好多雞肉portion 相對較大。 呢間餐廳嘅青格對你相對比較淡， 辣味唔重 但很奇怪地食到最後列未開始湧上。 雖然有後勁但並不是這麼辣，所以如果不吃太辣的朋友亦可選擇！

串燒係後期先上嚟，開頭以為會喺前菜時間上，可能因為太多人選擇串燒，所以時間比較耐！ 串燒我哋選擇咗雞肉同 豬肉， 每人都有一條不同口味嘅串燒最為妥當，可惜醬汁不夠多，但肉質非常鮮甜嫩滑！

晚飯沒有酒會十分可惜，所以我哋點了cocktail， 由於要有特色所以當然點上泰式cocktail

最後嘅happy ending係加上芒果黑白糯米飯， 呢個甜品嘅顏值相對比較高再加上榨椰絲片， 令到 甜品具有特色！

海南雞公主 (上環) - 好味特色便當

咁啱今日收工後同朋友去到上環 街市附近辦啲事， 在離開的時候發現了這一家非常可愛門牌嘅餐廳！ 同時亦比佢哋嘅色彩 以及裝潢吸引， 係一條比較舊區嘅街上面， 佢哋嘅門面實在令人吸睛！

既然已經到了晚飯時間我和我朋友覺得不如試下這一家新的餐廳， 佢嘅餐牌相對比較簡單簡潔， 食物選擇雖然不多但 看似已經精挑細選， 對於小店來說 已經足夠 serve 客人！ 

由於新餐廳所以我們兩個決定 order 不同套餐， 大家可以share 來試一試， 既然店舖名稱係以海南雞來做主題， 我覺得海南雞應該係啲食物， 所以就點了公主海南雞飯， 而另外就點了 牛坑腩飯。

佢哋以便當盒為主盒， 將沙律甜品主食 全部放在一個盒內， 看似應該針對 上環寫字樓區一帶 的白領 午餐。 不管是否午餐或晚餐只要好食就得！

先講講海南雞飯， 唔好睇佢合仔細細原來入面有好多海南雞食極都食唔完咁， 雞油飯 十分惹味 唔會太油 飯亦唔會太乾， 好鐘意佢個沙律 應該入面有青芒果絲， 沙律有芒果香味清甜 配上少少醋酸味， 完全覺得唔夠好想再食多啲！ 海南雞脾肉分明唔多油， 味道清甜雞香味重， 配上 海南雞醬同麵豉醬簡直一流 不過我最喜愛嘅就係海南雞醬， 佢哋嘅海南雞醬少少酸少少辣 張海南雞嘅味道能夠調出！ 總之 海南雞飯喺呢間餐廳必試！

另外一盒係紅咖哩 牛坑腩飯， 紅咖哩醬汁十分creamy， 唔會太辣 亦唔會太重味 帶有少少牛油香， 撈白飯簡直係一流！ 同樣亦有泰式沙律以及甜品， 一盒套餐有甜品有沙律有主食 上環白領人事研以咁幸福 仲想點呢！

飲品朋友叫咗洛神花特飲， 而我就叫咗蝶豆花特飲， 洛神花酸尾尾十分開胃 無論係飯前或飯後飲 都十分合適！ 而我個杯蝶豆花特飲， 老實說我唔係好清楚咩係有花只係因為個名咪叫咗呢杯嘢飲， 不過 飲過之後出奇地覺得很特別亦很清甜， 食咗濃味嘅牛坑腩紅咖哩配上一杯清甜特飲 即時覺得 舒服嘅感覺！

後來發覺佢哋有支裝，而支裝嘅顏色同埋 同包裝十分吸引， 所以問咗餐廳員工借咗嚟影一影相！

食完臨出門口原來發現原來有電子板 menu, 成個餐廳格局基本以公主感覺為主題, 喺上環舊區有呢一啲特色嘅舖頭十分搶眼, 我同朋友喺餐廳入面食飯嘅時候亦見到好多市民在外面望入嚟呢間餐廳，估計都係畀裝潢吸引， 所以喺裝修外觀嗰邊已經勝人一籌！

同時佢哋亦有 同外賣 app合作， 係食緊飯嘅過程中 見到有好多轉 外賣app嘅員工過嚟囉外賣送客人， 可想而知同樣地 做外賣的生意也不錯！

大漁屋台 (九龍灣) - 新鮮日本美食

最近喺九龍灣返工， 係時候搵返一啲好嘅餐廳 嚟餵飽自己！ 第一次偶射機會之下見 聽到新同事講新日本餐廳大漁屋台，既然係公司附近 咁我 決定收工時候去試一試！

大漁屋台 喺九龍灣地鐵站沿著條好長嘅天橋過去好快就到， 所以一啲都唔難搵 而且非常之方便！

收工過到去呢間餐廳 大慨六點鐘， 所以客人唔算多， 由於唔係坐落喺大商場所以舖頭可以好大座位空間亦都相對地舒服！

其實我食飯最緊要係舒舒服服， 坐到逼一逼好似係旺角同尖沙咀嘅日本餐廳，同隔離枱好親密有咩意思呢！ 所以呢間餐廳俾我感覺好好！ 

裝潢動設計都非常日式屋台感覺， 非常之親民！

喺我等緊朋友呢餐廳嘅時間， 餐廳嘅員工非常親切地走埋嚟問我要唔要order一些嘢飲！ 諗諗下都幾好不如就order杯 啤酒， 佢哋就介紹咗我飲麒麟啤， 原因係呢度嘅麒麟啤非常之特別， 有部沙冰機喺啤酒上 鋪上沙冰！ 同餐廳員工傾過計之後原來先知沙冰係用啤酒製造， 同時喺啤酒上可以保證啤酒嘅溫度特別係我等朋友嘅時間啤酒唔會因為長時間而溫度變暖！ 完全感覺到非常之貼心！

喺日本餐廳當然要食刺身， 我哋喺黑板上見到日本活粒貝刺身同時 亦都有日本池魚刺身， 呢兩樣刺身相對出面嘅日本料理比較少所以點來吃。 粒貝其實在香港人所講嘅響螺，而食開響螺就知道質感脆感係好重要， 而餐廳粒貝非常之新鮮同時好有響螺嘅鮮甜！

如果有睇開我嘅openrice嘅朋友， 應該知道我係非常之小食魚刺身除咗三文魚， 而今次點解會點詞語刺身其實都係因為店家嘅極力推薦， 當然池魚刺身完全沒有令到我非常失望，非常新鮮 而且好爽脆， 池魚鮮味非常濃烈， 我諗以後對生魚刺身要有另外一個諗法！

除咗刺身 兩個大男人食晚飯， 飯就一定少不免！ 朋友就點咗 北海蟹丼， 而我就order咗安格斯牛肉丼！ 當然啦我哋兩位都會一齊分享食物， 北海蟹丼入面有北海蟹鉗， 蟹鉗非常鮮甜 同時係凍食， 除咗北海蟹鉗之外亦有 蟹子， 吞拿魚刺身粒， 以呢個價錢78蚊非常之抵食！

而我既安格斯牛肉丼， 安格斯牛肉切都非常之薄片， 薄片得呢亦都分量好多， 燒汁襯底， 同埋加上生雞蛋將佢全部撈埋一齊味道非常之可口！

由於我哋太好傾，所以坐到差唔多八九點時候開始有少少 口痕，所以叫左串燒炸物嚟試試！ 揚物係有蓮藕同吉列豆腐， 仔順利黃金顏色香脆可口亦冇炸燶， 非常之有技巧！

同時間我哋亦都叫咗串燒，反而我對串燒同炸物去對比我會更喜歡他們家的串燒！ 串燒大部分我哋嗌咗雞包括咗，雞腎、雞尾、雞肝、同雞頸肉！ 佢哋嘅串燒燒，唔會燒得太過火，同時味道亦都燒得非常香！ 我最最最鍾意嘅就係雞尾串燒！大家必試！

最後埋單 766, 咁既價錢食到咁多好野，環境又好，完全一流！！！